Advertise Here
Documentaries Interesting Mysterious Special Universe

Agar Suraj Achanak Ghaib Ho Jaye Tou Dunya Mein Kya Ho Ga

Agar Suraj Achanak Ghaib Ho Jaye Tou Dunya Mein Kya Ho Ga

Kuch maheenon pehle maine aap ke liye aik video banai thi jis ka title tha agar insan dunya se achanak khatam ho jayain tou kya ho ga us video ko lakhon logon ne dekha aur pasand kiya aaj usi se milti julti aik aur video maine aap sub ke liye banai hai keh agar suraj achanak ghaib ho jaye tou kya ho ga ya agar suraj na hota tou kya hota.

Suraj ki jisamat zameen se 33000 guna bari hai jabkeh ye 100 arab hydrogen bam ke matwaqzi tawanai har second mein paida karta hai lihaza suraj ki bhari bharkam jisamat is ko kainaat ke nizam mein aik aham markaz bana deti hai jis ke zair asar tamam sayare aik madar mein gardish karte rehte hain. Dusri janib suraj se kharij hone wali tawanai ke lehrain bhi zameen ka darja hararat matwazi rakhne mein aham kirdar ada karti hain.
Sochne ki baat ye hai keh agar suraj dunya ya kainaat se ghaib ho jaye tou sochiye ke zameen ya kainaat par is ke kya asrat parain ge aaeye aise hi baaz asrat ke bare mein jantay hain.

Kashish Saqal
Suraj tamam sayaron ko aik madar mein rakhne mein markazi kirdar ada karta hai aur yehi woh wajah hai keh tamam sayare aik madar mein gardish karte rehte hain taham agar suraj ghaib ho jaye tou is se kashish saqal khatam ho jaye gi aur tamam sayare khala mein madar mein ghoomnay ke bajaye seedha parwaz karna shuru kar dain ge jabkeh apas mein bhi takranay ke imkanat zayada hain.

Poday Aur Nabatat Ka Khatma
Agar suraj kainaat mein mojood nahin ho ga ya achanak ghaib ho jaye ga tou sub se zayada manfi asrat is ke dunya mein poday, fasal aur nabatat par muratab hon ge aur nabatat samait woh poday jo hamare liye khorak paida karne ka kaam sar anjam dete hain un ka khatma ho jaye ga.

Barf Ka Raaj
Suraj ka kainaat se ghaib ho jana yaqeeni tor par khitay ke darjah hararat mein kami ka sabab banay ga aur dunya ka darja hararat manfi 101 degree celcius tak batadreej gir jaye ga jis se dunya ke har konay mein barf ka raaj ho ga aur dunya ke woh ilaqe jahan aaj shadeed garmi parti hai wahan shadeed tareen sardi ho gi.

Dunya Par Daimi Andhere Ki Hukmarani
Suraj ke ghaib ho janay se dunya par daimi tor par andhere ki hukmarani ho jaye gi aur dunya ke har hisay mein andheri raat ho gi kyun keh suraj roshni ka aham zariya hai magar us andheri raat mein koi chandni raat nahin ho gi.

Chand Aur Sitaron Ka Adam Zahir Hona
Agar suraj achanak ghaib ho jaye tou chand aur sitaron ka nazar ana bhi band ho jaye ga kyun keh ye ijsam falki apni roshni khud paida nahin karte balkeh ye suraj ki roshni ke aks mein nazar atay hain.

zvr
Your Reaction

Leave a Comment