Advertise Here
Urdu Essays

Amal Se Zindagi Banti Hai Essay Urdu Speech Jannat Bhi Jahannum Bhi

amal se zindagi banti hai
Written by Admin

Amal Se Zindagi Banti Hai Jannat Bhi Jahannum Bhi is ka matlab hai keh insan jub paida hota hai tou us waqt na tou woh noori hota hai na naari, na farishta hota hai aur na shetan, na mominhota hai na kafir balkeh ye us ke amal hote hain jo usay momin ka kafir banatay hain usay jannat ki taraf lay jatay hain ya jahannam ka endhan banatay hain.

Kaan Mein Azan: Har Musalman bache ke paida hote hi us ke kaan mein azan di jati hai yani us ke zehan ko Islami bananay ki ibtida kar di jati hai. Aur Islam par us ki tameer ke liye pehle eent laga di jati hai. Phir woh apne waldien aur bare behan bhaiyon ki dekha dekhi namaz shuru kar deta hai. Jub woh 10 – 11 saal ka hota hai tou waldain ke mana karne ke bawajood rozay rakhna shuru kar deta hai khas tor par agar rozay sardiyon ke hon aur yun us ki uthaan sahi tarikay se hoti hai.

Harkat Mein Barkat: Mashoor kahawat hai keh harkat mein barkat hai yani jo shakhs mehnat karta hai Allah Ta’ala us ki mehnat mein barkat daal deta hai aur woh shakhs taraqi ki rah par gamzan ho jata hai.

Mushkilat Ka Muqabla: Pasti ki taraf janay mein bari asani hoti hai isi liye log gunah ki zindagi mein bari tez raftari ke sath dhanstay chalay jatay hain aur apni zindagiyon ko jahannam ki taraf dhakeltay rehtay hain. Jabkeh bulandi par charhna mushkil hota hai aur urooj par pohanchna aur bhi dushwar lekin us par kamyabi se chalnay wale ko akhir kaar manzil mil hi jati hai.

Leave a Comment