Advertise Here

Amasya City In Urdu Documentary Amasya History In Hindi

Amasya City In Urdu – Amasya City Documentary In Urdu Amasya History In Hindi

Turkey Ke Paharon Mein Abad Shehzadon Ka Shehar
Shumali turkey mein waqe Amasya shehar tareekhi aitbar se kafi aham shehron mein shumar hota hai. Amasya 14th century ke aitbar se usmaniyon ke qabzay mein agaya tha keh jahan mukhtalif badshahon aur shehzadon ki parwarish hoi is liye Amasya ko shehzadon ka shehar bhi kaha jata hai.

Amasya shehar mukhtalif tehzeebon ka gehwara raha hai. Is shehar mein in dinon darja hararat 17 se 20 degree celcius hai aur aam dinon mein bhi yahan ka mausam zayada garam nahin hota. Yehi wajah hai keh Amasya shehar in dinon bhi sayahon ki tawajah ka markaz bana hua hai. Ghair mulki saiyahon ki tawajah ka sabab darasal yahan ki tareekhi aur saqafati rangeeniyan hain. Amooman ghair mulki saiyan Capadocia ke baad is shehar ki sair ko bhi atay hain.

Amasya aur is ke qareeb waqe tareekhi qabristan, yahan ka mashoor qila, yalıboyu makanat aham sayahati maqamat hain is ke ilawa seljuki aur usmani adwar se wabasta qabristan bhi yahan ke woh maqamat hain jinhain dekhnay dunya bhar se saiyah atay hain. Shehar se 65 km door borabay nami jheel ke ird gird shah baloot ke ghanay darakht hain jahan picnic pananay walon ki bari tadad mojood hoti hai. Amasya city mein tareekhi emaratain bhi kam nahin hain. Amasya ka ajaib ghar aur hazar haweli yahan ke aham tareen maqamat hain. Usmani door mein tameer kardah hazar haweli shehar ke markaz mein waqe hatoonia mohallay mein waqe hai keh jisay 19th century mein Hassan Talat Afandi ki taraf se tameer kiya gaya tha. Un ki beti Hazeeraan Khanam ke haweli mein taweel arsay qayam ki wajah se isay un ka naam diya gaya hai. Riwayati Usmani tarz e tameer ki hamil ye haweli sun 1984 mein tareekhi maqam ka darja hasil kar gayi.

Amasya shehar mein kaseer tadad mein masajid, madrasay, gumbad aur mazar mojood hain keh jin ke darmiyan minar wali masjid aur kapi agha madrasa qabil e zikar hain. Amasya ke parathay, qadaif aur degar khanay lazeez hain.

Bila shuba Turkey dunya ke khubsurat tareen mulkon mein se aik hai Turkey kitna khubsurat hain is ka andaza aap Turkey se mutaliq yesheaven website ki anay wali mazeed videos aur articles se laga sakte hain jo keh jald publish kiye jayain ge. Agar Turkey ke is shehar Amasya ki khubsurati ne aap ko mutasir kiya hai tou apni raye se zaroor agah karain.

zvr
Your Reaction

Leave a Comment