Advertise Here
Interesting Videos

America Ke Sadar Ka Ghar Jisay Tufan Ne Tabah Kar Diya

Aaj ka article maujooda amreeci sadar donald trump ke caribbean mein waqe ghar ke bare mein hai jo na sirf intihai khubsurat ilaqe mein waqe hai balkeh samandar kinare mojood hai aur caribbean mein waqe mehnge tareen gharon mein se aik hai. Yaad rahe donald trump dunya ke ameer tareen logon mein se hai is ke liye dunya ke kisi bhi mulk ke mehnge tareen ilaqe mein ghar khareedna koi mushkil baat nahin hai. Donald trump ne samandar kinare ye ghar khareedtay hue qudrat ke haseen nazaron aur pur sakoon jagah ko zehan mein rakha ho ga magar us ne us waqt ye nahin socha ho ga keh qudrat ke yehi haseen nazaray is ke samandar kinare banay ghar ka hulya bhi bigar sakte hain. Aeye aaj hum caribean jazair mein mojood donald trump ka woh ghar dekhtay hain jisay samandari taufan ne tabah kar ke rakh diya hai.

Amreeca ke shumali o janoobi mumalik ko yakay baad degaray bay tahasha nuqsan pohanchanay wale 3 taufanon ne is khitay ko tabah kar diya hai. Caribbean jazair jo pehle Harvey aur phir Irma taufan ki tabah kariyon ka nishana banay is waqt malbon ke dhair mein tabdeel ho chukay hain. Aise mein yahan waqe amreeci sadar donald trump ki jaidad bhi mehfooz na rahi aur taufanon ne usay bhi be tahasha nuqsan pohanchaya. St Martin jazeeray mein samandar ke bilkul kinare par waqe trump ki wasi o areez jageer ki emaraton mein dararain par gayein jabkeh baaz emaraton ki chatain bhi urr gayein.

Maqami intizamiya ke mutabiq jazeeray ke us hisay ko kafi nuqsan pohancha hai jahan donald trump ki jageer hai. Doland tump ke ghar ke andar aik dewar bhi gir parri hai jabkeh yahan mojood tamam swimming pools badbu dar pani se aaloda ho chukay hain. Baat yahin khatam nahin hoti samandari taufan ne dunya ke sub se taqatwar mulk ke taqatwar sadar ke ghar mein lagey darakhton ko tor kar donald trump ko apni taqat ka muzahira kar ke dikhaya aur yunh samandar kinare trump ka alishan mehal in dinon tabahi o barbadi ka manzar paish kar raha hai.

Sadar trump ki caribbean jazair mein mojood ye jageer 5 acre ke wasi o areez raqbe par pheeli hoi hai jabkeh is ki qeemat aik crore 70 lakh dollars hai yani ye ghar pakistani rupon mein taqreeban 1 arab 70 crore ke qareeb hai. Jazeeray ke hakam ke mutabiq haliya taufanon mein st martin jazeeray ka 95% infrastructure tabah ho chuka hai aur mazboot tareen emaratain bhi mehfooz nahin rahien. Donald trump bila shuba is waqt dunya ka taqatwar tareen insan hai jo shulami korea se tou apne mulk ko bachanay ki baat karta hai magar haliya samandari taufan se woh apna khud ka ghar na bacha saka.

zvr
Your Reaction

Leave a Comment