Advertise Here
Biography Cricket History Personalities Sports Videos

Chris Gayle History In Urdu Kahani Chris Gayle Biography In Hindi

Chris Gayle History In Urdu Kahani Chris Gayle Biography In Hindi

Chris Gayle 21 sptember 1979 mein Kingston Jamaica mein paida hue Chris Gayle ke naam se kon waqif nahin hai chakon ke badshahon mein shahid afridi ke sath chris gayle ka naam bhi liya jata hai. Hum insan chehre dekh kar hi kisi ki khushi ka andaza tou laga laite hain magar us khushi ko kitni mehnat aur lagan se hasil kiya jata hai is par kam hi tawajah detay hain. Chris gayle bhi unhi logon mein se aik hain jo aksar tv screen par hamain hanstay muskuratay nazar atay hain magar aksar log tou jantay hi nahin ke chris gayle ne apni zindagi mein kitnay buray din dekhe hain. Ameer maa baap ke bachon ko zindagi tou bani banai mil jati hai magar beshumar log dunya mein aise hain jo ghurbat ke hathon majboor hain kabhi un logon mein chris gayle ka bhi shumar hota tha.

Cricket ki dunya ke bain al aqwami shohrat yafta khilari chris gayle aaj dunya ke ameer tareen cricketers mein shamil hain par chris gayle ne aik ghareeb gharanay mein aankh khooli thi unhon ne apni ibtidai zindagi mein bari ghurbat dekhi. Shuru mein woh aik teen ke ghar mein raha karte thay. Is bare mein Chris gayle ka kehna hai keh jub woh apni zindagi ke mushkil tareen dinon ko yaad karte hain you abdeeda ho jatay hain.

Chris Gayle Jo Kabhi Kachra Aur Botlain Uthaya Karta Tha
Chris gayle ko parhane ke liye un ke walid ke baas paise nahin thay ghurbat chris gayle ki taleem par asar andaz hoi aur woh achi taleem hasil na kar sake. Yehi wajah thi keh unhain apne bachpan ke dinon mein hi kaam karna para. Cricket ke shaiqeen ke liye ye baat kisi hairat se kam nahin hai keh aaj jo insan shohrat ki bulandiyon mein pohancha hua hai kabhi isi insan par zindagi itni mushkil thi keh chris gayle apne aur apne ghar walon ke liye sarkon, galiyon aur mohallon se khali botlain aur kachra bhi uthaya karta tha. Ye woh waqt tha jub dunya ka ye azeem cricketer khud bhi nahin janta tha ke kismat us par kis qadar aur kitni jald meharban hone wali hai keh aik din yehi botlain aur kachra uthanay wala chris gayle cricket ke deewanon ka hero ban jaye ga aur mehngi mehngi caron aur gharon ka malik ho ga dunya bhar ke mumalik mein ghoomay phiray ga aur daulat ke darwazay us par khul jayain ge.

Chris Gayle ka kehna hai keh agar cricket ka kheel meri ki zindagi ke darwazay par dastak na deta tou aaj bhi shayed main galiyon aur sarkon par botlain aur kachra utha raha hota. Chris gayle ki ghurbat ka ye alam tha ke un par aisa waqt bhi aya tha jub un ke paas khanay ke liye bhi khuch nahin hua karta tha tab woh apna bait bharne ke liye itna majboor ho chuka tha ke usay ko kayi baar chori bhi karna parri.

Chris gayle ne cricket ka aghaz lucas cricket club se kiya ye club jamaica ke aik ilaqe kingston mein waqe hai. Unhon ne 19 saal ki umar mein jamaica se aik first class cricketer ke tor par apna debu kiya. Is ke baad unhon ne apna pehla aik roza international match 1999 mein india ke khilaf kheela tha jabkeh t20 cricket ka pehla match unhon ne 2016 mein black caps yani new zealand ke khilaf kheela tha.

Unhon ke bain al qawami cricket career ka aghaz koi itna shandar nahin tha lekin baad mein unhon ne dunya ke samne apne aap ko manwaya aur kayi records bana dale. Ye baat hai 2002 ki jub chris gayle ne aik hi saal mein 1000 rans bana dale aur yun west indies ki cricket team mein apni jagah paki kar li. Unhain apni team mein kuch scandals ka bhi samna karna para jub unhain 2005 mein South Africa ki series se sponsorship ke tanazay ki wajah se hata diya gaya tha par kismat un par phir meharban hoi aur usi series mein unhain shamil kar liya gaya youn chris gayle ne us series mein 317 runs bana kar aik record apne naam kar liya. Aaj chris gayle dunya ke un 4 batsmanon mein shumar hote hain jinhain test cricket mein 2 baar triple century ki hoi hai.

Chris gayle ki janhana batting ki wajah se pakistan, india aur west indies samait dunya bhar mein chris gaye ke beshumar fans mojood hain ye dunya ke woh wahid khilari bhi hain jinhain ye aizaz hasil hai ke unhon ne apni zindagi ke pehle hi match ki pehli ball par chaka mar kar dunya ke tamam bowlers ke liye khatre ki ghanti baja di thi. Yehi wajah hai keh aaj dunya ke bare bare bowlers bhi chris gayle ka samna karte hue ghabrate hain. T20 cricket mein chris gayle ka sub se bara score 175 runs hain jisay unhon ne sirf 11 overs mein banaya tha aur ye record unhain ipl mein hasil hua.

Chris gayle jo kabhi sarkon, galiyon aur mohallon mein botlain aur kachra ikathi kiya karta tha tab woh 2 waqt ki roti bhi mushkil se khaya karta tha magar aaj woh itni daulat rakhta hai ke dunya ki mehngi se mehngi chez bhi kahreed sakta hai. Aaeye ab ye jaan laite hain ke aaj chris gayle kitna kamata hai aur in ke paas kitni daulat hai.
Ghareeb gharanay mein ankh kholnay wale chris gayle ki majmoi andani 15 million dollars banti hai aur is mein roz ba roz izafa hota chala ja raha hai. Chris gaye salana taqreeban 7 million dollars kamatay hain.

Ab in ke ghar ke mutaliq bhi baat kar laite hain jo kabhi tean ke bane hue ghar mein raha karta tha aaj woh aik bohat bare bangle mein rehta hai jis mein chris gaye ne aik gym bana rakhi hai aur aik swimming pool bhi bana rakha hai is ke ilawa aik club bhi chris gaye ne apne ghar mein banwaya.

Aaeye ab in ki cricket ki kamyabiyon par thori roshni aur dalte hain aur jante hain ke chris gaye ne kon kon se records apne naam kar rakhe hain. In ki kamyabiyon ki dastan khasi taweel hai ye un 6 one day players mein se aik hai jo aik roza cricket mein 3 ya 3 se zayada baar 150 runs bana chuke hain. Chris gayle ko t20 cricket ki pehli centuey banane ka aizaz bhi hasil hai jo chris ne 2007 ke t20 world cup mein south africa ke khilaf banai thi. Chris apni team ke liye aik opener ke tor par kheelta hai yehi wajah hai keh woh t20 mein bat carry karne wala pehla khilari hai. Ye aizaz us ne 2009 ke t20 world cup mein sri lanka ke khilaf kheeltay hue hasil kiya tha. 17 december 2009 ko us ne australia ke khilaf kheeltay hue test cricket ki tareekh ki panchwien tez tareen century bhi banai ye century sirf 70 gaindon par banai. Bradman, Brain Lara aur Virender Sehwag ke baad woh chotha khilari hai jis ne test cricket mein 2 tripple centriyan bana chuka hai.

Cicket ki dunya ka ye hard hitter 2007 se 2010 tak west indies cricket team ka captain bhi reh chuka hai. 24 february 2015 ko chris gayle ne ICC cricket world cup 2015 ke aik group match mein zimbabwe ke khilaf 215 runs bana kar world cup ki sub se bari innings ka record banaya is ke sath hi woh world cup mein double century banane wala pehla khilari ban gaya. Par ye record usi world cup ke quarter final mein west indies hi ke khilaf new zealand ke khilari martan guptil ne 237 runs bana kar tor diya.

Chris gayle ne us match mein apni team ko jitwane ki puri koshish ki aur 33 gaindon par 8 chakon ki madad se 63 runs banaye magar qismat ne us ka sath na diya aur woh jald out ho gaya. West Indies woh match tou haar gaya tha magar chris gayle apni tamam kamyabiyon ke sath is waqt woh wahid khilari hai jo t20 mein century, one day mein double century aur test cricket mein triple century bana chuka hai.

Cricket ki aik mashoor website ke adad o shumar ke mutabiq chris gayle ne ab tak 103 test matches ki 182 innings mein 42.18 ki ausat se 7214 runs bana rakhe hain jin mein 15 centuriyan aur 37 nisf centuriyan shamil hain. Test cricket mein chris gayle ka sub se bara scrope 333 hai jabkeh one day mein chris gayle ne 269 matches ki 269 iinings mein 37.33 ki average se 9221 runs bana rakhe hain jin mein 22 centuriyan aur 47 nisf centuriyan shamil hain.

Cricket ki dunya mein jese shahid afridi ko boom boom ke naam se jana jata hai shoaib akhtar ko rawalpindi express wese hi chris gayle ko bhi kayi namon se yaad kiya jata hai jis mein gayle force, gayle storm, master storm shamil hain. Chris Gayle na sirf ache bale baaz hain balkeh unhain aksar mathon mein off spin gaind bazi bhi karte hue dekha gaya hai par yahan ye baat yaad rahe ke chris gayle bale bazi bayain hath se karte hain jabkeh gaind bazi dayain hath se karte hain.

Jub chris gayle west indies ke liye kisi cricket match mein maidan mein utarte hain tou un ki jersey par amooman 45 number darj hota hai. Chris gayle pur sakoon, aur hans mukh tabiyat ke malik hain magar jub ye balay bazi ke liye maidan mein utarte hain tab ye intihai jarhana andaz apnatay hain in ke samne dunya ka chahye koi bhi bowler ho woh us ka lihaz nahin karte aur youn woh balay bazi se samne wale bowler ki dhulai ke liye har waqt tayar rehte hain.

zvr
Your Reaction

Leave a Comment