Aeroplane Airports Countries Information Interesting Tourism World

Countries Without Airport Urdu Mulk Jahan Airport Nahin Hindi

.

Countries Without Airport – Kisi bhi mulk ka safar karna ho tou aaj us ka sub se asan aur behtareen tarika hawai jahaz ka safar hai. Lekin yahan herat ki baat tou ye hai keh dunya ke 5 mumalik aise hain jahan koi airport hi nahin tou un mumalik mein kaise pohancha ja sakta hai aur ye kon se mumalik hain aeye jantay hain.

1 – Vatican City
Is waqt dunya bhar mein 5 aise bhi mumalik hain jahan par koi airport nahin hai un mein se aik mulk italy ke shehar rome ke markaz mein waqe dunya ka sub se chota mulk vetican city hai jo charon taraf se deewaron se ghira hua hai aur italy ke andar aik khud mukhtar rayasat hai jis ka majmoi raqba 109 acre hai ye airport se mehroom hai taham log yahan italy ke darul hukumat ke zariye asani se pohanch sakte hain.

2 – San Marino
Dunya ka panchwan chota tareen mulk san marino jis ke ird gird bhi italy ki sarzameen hai aur yahan ke 33000 se zayada rehaishi airport se mehroom hain. Hawai safar ke liye unhain 9 meel door italy ke aik bain al aqwami hawai aday ka rukh karna parta hai.

3 – Monaco
Dunya ka dusra chota tareen mulk Monaco bhi europe mein vetican ke qareeb hi waqe hai aur yahan tak pohanchne ke liye France ke nice international airport ka rukh karna parta hai. Dilchasp baat ye hai keh dunya ke teesray aur chothay sub se chotay mumalik apne airports rakhte hain.

4 – Liechtenstein
Ye mulk dunya ka chata sub se chota mulk hai ye switzerland aur austria ke darmiyan waqe hai aur yahan par bhi koi airport nahin hai. Yahan ke rehnay walon ko apne darul hukumat se 24 meel door switzerland ke aik airport ka rukh karna parta hai.

5 – Andorra
Woh mumalik jahan koi airport nahin un mein europe ka hi aik aur mulk Andorra bhi shamil hai. Is ke aik taraf spain` aur dusri taraf france mojood hai aur yahan ke 84000 ke qareeb afrad chahte hain keh un ke apne mulk mein bhi aik airport ho. Dunya bhar se visa hasil kar ke yahan har saal 1 crore se zayada saiyah atay hain jo yahan spain ya france se kisi gari ke zariye pohanchnay mein kamyab hotay hain.

Ab yahan jo sub se zayada herat ki baat hai woh ye hai keh ye panchon mulk us bar e azam mein waqe hain jisay dunya ka taraqi yafta bar e azam shamja jata hai yani europe g haan ye saray mumalik europe mein hi waqe hain.

Leave a Comment