Advertise Here

Death Valley In Urdu Documentary Maut Ki Wadi Death Valley In Hindi

Death Valley In Urdu Documentary Maut Ki Wadi Death Valley In Hindi

Aaj amreeca mein mojood maut ki wadi ke bare mein kuch aise haqaiq aur information is website par faraham ki ja rahi hain jin se aap waqif nahin.

Death Valley Information In Urdu

California ki aik khubsurat magar purisrar wadi jisay maut ki wadi yani death valley ke naam se jana jata hai ye aik sadi se bhi zayada arsay se apne andar aik raaz chupaye hue hain aur aaj tak koi bhi is raaz se parda uthanay mein kamyab nahin ho saka. Yaqeenan aap ko ye jaan kar herat ho gi keh is wadi mein mojood pathar khud ba khud apni jagah tabdeel kar laitay hain ya yun keh lain keh harkat karne ki salahiyat rakhte hain aur ye sub kuch us waqt hota hai jub inhain koi dekh na raha ho. Ye sub kuch Racetrack Playa nami aik khushk jheel ki satah par hota hai aur ye maqam apne safar karte pathron ki wajah se mashoor hai.

Agarcheh dunya mein aur bhi bohat se aise maqamat hain jahan is tarah ke asrat paye jatay hain lekin phir bhi mout ki wadi sub se zayada maqbool tareen maqam hai. Dilchasp baat ye hai keh is maqam par tamam pathar harkat nahin karta aur jo kartay bhi hain tou woh 2 se 3 saal ki mudat mein karte hain. Harkat karne wale pathar na aik hi waqt mein harkat karte hain aur na hi in ki simt aik jesi hoti hai.

Maut Ki Wadi Ki Dilchasp Maloomat

Amreeca mein waqe maut ki wadi ke naam se maqbool national park apne harkat karte pur israr patharon ki wajah se tou dunya bhar mein maqbool hai hi lekin is ke ilawa bhi ye chand dilchasp haqaiq ka malik hai. Ye national park intihai garam aur bilkul banjar maqam hai. Taham is sub ke bawajood har saal saiyahon ki aik bari tadad is maqam ka rukh karti hai.

  1. Maut ki wadi nami is national park mein logon ki sahoolat ke liye 5 hotel mojood hain lekin logon ki aik bari aksariyat is maqam par camp laga kar rehne ko tarjih deti hai aur yahan tak rasai ke liye apni tayar kardah gariyon ka istemal karti hai.
  2. Ye national park intihai khush park hai jis ki wajah se aksar logon ka khayal hota hai keh yahan kisi qisam ka koi janwar mojood nahin ho ga. Lekin haqeeqat is ke baraks hai kyun keh yahan 35 se zaid iqsam ke janwar paye jatay hain jin mein lizards, sanp aur bheerain bhi shamil hain.
  3. Ye maqam satah samandar se 36 meter gehrai mein waqe hai aur amreeca mein koi dusri qudrati wadi aisi nahin hai jo itni gehrai mein waqe ho.
  4. Death valley ki zameen par aik waqt mein zayada se zayada 1 lakh 50000 afrad camp laga kar thehar sakte hain.
  5. Ye bhi aik haqeeqat hai keh is maqam par kabhi qabil e zikar barish nahin hoi. Yahan tak keh 1929 ke doran bilkul nahin hoi jabkeh 1931 se 1934 tak jo barish record ki gayi woh sirf .064 inch banti hai.
  6. Mausam e garma ke doran jub garmi intiha ki hoti hai tou yahan ka darja hararat 56 degree centigrade hota hai. Ye arsa june se lay kar september tak ka hota hai.
  7. Khushki ke bawajood is maqam par podon ki 900 se zaid iqsam payi jati hain jo keh sehraon mein mojood nabatat par tehqeeq karne wale mahireen ke liye aik behtareen sahoolat hai.
    Is maqam ko qaumi yadgar ka darja 11 february 1933 ko us waqt ke sadar Herbert Hoover ne diya tha.
  8. 34 million acre ke raqbe par pheeli is wadi ko dekhne ke liye har saal lakhon saiyah atay hain jo keh yahan mojood jangli hayat aur qudrati nazaron se mehzooz hote hain. Sub se zayada saiyah saal 2001 mein aye jin ki tadad 1.1 million se bhi zaid thi.
  9. Is national park ki sarhadain california aur nevada ke ilaqon se milti hain.
zvr
Your Reaction

Leave a Comment