Advertise Here
Essays

Fashion Essay In Urdu Speech Fashion Definition In Urdu

Fashion Essay In Urdu
Written by Admin

Fashion Essay In Urdu Paragraph Fashion Essay In Hindi Fashion Ka Bhoot
Fashion Kya Hai (Fashion Definition In Urdu): Fashion se murad aise andaz aur rasoom hain jo aik khas waqt par raij hon. Aam istemal mein fashion ki misal poshak se ki jati hai lekin is istilah ke mani wasi hain. Kayi fashion kayi saqafaton mein aik khas waqt par maqbool hote hain.

Wazahat o Tasmihat
Fashion darasal aik wasi istilah hai jis ki tareef mein malawas tamam ilfaz is ki banawat mein hisa dar hain. Fashion se murad koi rawish jo raij jo lihaza fashion ki tareef mein darj zail islahat shamil hain:

Riwaj, Raij, Riwayat, Araish, Zebaish, Rawait

Baghoor dekha jaye tou rawaish ki istilah mein darj bala tamam alfaz ke faroof mojood hain, aur ye istilah in tamam alfaz ki numaindgi bhi karti hai.

Libas
Pehnaway ya poshak ko libas kehte hain libas dunya ke mukhtalif alaqa jaat mein apni apni riwayat aur fasion ke mutabiq pehna aur istemal kiya jata hai. In riwayat mein mazhabi riwayat, rasam o rawaj, geography awamil ka bhi aham aur numayan kardar paya jata hai.

Dopatta Hamari Saqafat Aur Libas Ka Hisa
Dupatta hamari saqafat aur libas ka hisa hai lekin aaj kal khawateen isay laine ko itni ahmiyat nahin deti aur dopatta na laine ko fashion aur apne aap ko modern samajhti hain lekin aik aurat ka libas us waqt tak mukamal nahin hota jub tak woh dupatta na orh lay.

Hamain ye sochna ho ga keh hum kis taraf ja rahe hain hum apni saqafat ko bhool rahe hain aik baat yaad rakhni chahiye keh aik qaum tab hi zawal pazeer hoti hai jub woh apni saqafat aur rehan sehan ko bhoolti hai hum maghrib ki taraf dekhain tou jo rehan sehan aur orhnay ka tareeqa un ka pehle tha wohi ab hai aur jo unhon ne apne liye asool banaye hain un par amal kartay hain aur kamyab hain takeh un ki tarz zindagi ko apnaya jaye aur apni saqafat ko aur rehan sehan ke tareeqon ko bhool kar tabahi ki taraf jaya jaye hamain Islam ke asoolon ko aur apni saqafat ko apnana ho ga takeh mulk ko kamyabi ki taraf laya jaye.

Libas Fashion Ka Bunyadi Hisa
Tehzeeb insani ke aghaz se hi jub insan mein tan dhan dhamnay ka shaoor baidar hua us ne apni soch ke mutabiq apne libas ki tarash kharash par tawajah di. Rafta rafta mausami taqazon aur muasharti aqdar ne insan ko libas ki banawat aur ahmiyat se roshnas karaya. Dunya ke har khitay mein rehne wale apne muashray aur aqeeday ke tanazar mein apne libas ka intikhab karte hain yehi un ka rawaj aur fashion bhi hua karta hai. Kisi bhi qaum ke libas un ke tarz muashrat aur saqafat ka aaena hote hain jo dusri qaumon se infaradiyat ka ehsas bhi dilatay hain.

Fashion aik aisa aam bolay jane wala angreezi lafz hai jis ke matlab se koi ashna ho ya na ho us ke izhar se bakhoobi waqif hota hai. Fashion bunyadi tor par apni shakhsiyat ko janne ke baad us ke mutabiq apne aap ko is tarah arasta karne ka naam hai keh na sirf hum khud balkeh hum se milne par bhi aik khush gawar asar paray woh fashion jo mausharti iqdar se ham ahang bhi ho. Aik dusre se munfarid aur acha lagna har aik ki khawahish hoti hai aur yehi woh nukta hai jo insan ko tabdeeli ya fashion ki taraf matwaja karta hai. Jo waqt ke sath sath apne andaz badalta chala jata hai. Wese tou fashion ki bohat sari qismain hain lekin libas har insan ki woh bunyadi zaroorat hai jis ka barah e rast fashion se taluq banta hai. Aaj ke door mein fashion bas bhed chal ka naam hi reh gaya hai aur ye bhed chal dunya ka sub se munafa bakhsh karobar hai. Taraqi yafta mumalik ko tou chhorain keh wahan is ko baqaida aik system ke tehat apne maushray mein raij kiya gaya hai asal masla hum jese taraqi pazeer mumalik mein hai. Brands aur stalls ki aik na khatam hone wali race hai jis ka aindhan aam safaid posh tabqa na chahte hue bhi banta chala ja raha hai.

Mukhtasir ye keh fashion kisi muashray ke zinda hone ki aham ilamat bhi hote hain yaksaniat chahe roz marah ke mamool mein ho ya libas mein ye zindagi ko bohat bay ronaq sa bana deti hai aik khush gawar tabdeeli badaltay mausam ki tarah zindagi mein naya pan lati hai.

Umeed hai ye mazmoon aap ke kaam aye ga isi topic par hum ne aik aur mazmoon tehreer kiya hai woh bhi mulahiza karain fashion par mazmoon.

zvr
Your Reaction

Leave a Comment