Advertise Here
Information Videos

Helicopter Information In Urdu Helicopter History In Hindi

Dunya mein ye helicopter 80 saal banna shuru hue aur inhain us waqt ki sub se bari ijad qarar diya gaya tha kyun keh ye asman par aik parindey ki tarah ur saktay thay. Duniya mein jo sab se pehla Helicopter mutarif karwaya gaya us ka naam Focke Wulf FW61 tha aur is ke baad is shobay ne taizi se taraqqi ki aur kayi companiyon ne apne helicopters mutarif karwaye. Aaj duniya mein mutadid iqsam ke jadeed aur mehange tareen helicopter mojood hain taham hum aaj sirf duniya ke chand expensive helicopters ki baat karain ge.

Most Expensive Helicopters In World Dunya Ke Mehnge Helicopters

Eurocopter EC 135
Is helicopter ka shumaar duniya ke khubsurat tareen helicopters mein hota hai. Dohray engine ke hamil is helicopter ke urrnay ki had raftaar 259 kilometer fi ghanta hai jabkay is ki maliyat 4. 2 million dollar hai. Is ki androoni hissay ki tazaeen o araish bhi intehai aala hai yeh zayada tar tibbi khidmat, fouji khidmaat ya phir training ke liye istemal kiya jata hai.

Eurocopter EC 145
Is helicopter ka shumar darmiyanay size ke hamil behtareen helicopters mein hota hai aur yeh bhi dohray engine ka malik hai. Is ke urrnay ki had raftaar 268 kilometer fi ghanta hai yeh amlay ke 2 afraad samait 9 afraad ko apni manzil tak pohanchanay ki salahiyat rakhta hai. Is ko zayada tar musafiron ki aamad o raft, emergency services aur rescue ke liye istemaal kiya jata hai aik andazay ke mutabiq is helicopter ki qeemat 5. 5 million dollar hai.

AW 109
Dohray engine ka haamil ye helicopter wazan mein halka hai aur isay Italy aur Bartanwi companies ke bahami ta’awun se tayar kiya gaya hai. Is ke urrnay ki had raftaar 285 kilometer fi ghanta hai jabkay yeh 932 kilometer ke faaslay tak safar kar sakta hai ye dunya bhar mein military services ke liye istemaal kiya jata hai ye 6. 3 million dollar mein farokht hua.

Eurocopter EC 175
air bas helly copters ke takhleeq kardah is helly copter ko airbus h175 ke naam se bhi jana jata hai thisishypenhere yeh helly copter saal 2008 mein tayyar kya gaya lekin usay 3 saal baad mustand qarar diya gya- is helly copter ko aam shehrion ki aamad o Raft ke liye design kya gaya tha- is helly copter mein digital engine control system nasb hai jabkay is ki qeemat 7. 9 million Amrici dollar hai thisishypenhere

Airbus Helicopters H 155
Ye aik aisa helicopter hai jo 13 afraad ko apni manzil tak pohanchanay ki salahiyat rakhta hai is helicopter mein bhi 2 engine hain. Ye helicopter 1999 mein mutarif karwaya gaya tha waisay to yeh kayi maqasid ke liye istemaal kiya jata hai lekin zayada tar military services ke liye istemaal hota hai aik andazay ke mutabiq is ki maliyat 10 million dollar hai.

AW 139
Ye bhi aik darmiyanay size ka hamil helicopter hai jis mein 2 engine nasb hain saal 2003 mein mutarif karwaye jane walay is helicopter ko samandari transport, military maqasid aur rescue waghera ke liye istemaal kiya jata hai is ki qeemat 14. 5 million amreeci dollar hai.

Sikorsky S-76C
Ye aik commercial helicopter hai jisay sikorsky coopration ne tayar kiya hai in helicopters ki pedawar ka aghaz 1977 mein kiya gaya jis mein mukhtalif features mutarif kurwaye gaye jaisay ke 2 engine aur 4 paron ka hamil pankha waghera. Is ko kayi mashhoor afraad ne istemal kiya jin mein bartanwi shahi khandan aur amreeci sadar donald trump bhi shamil hain is helicopter ki price 12.95 million dollar hai.

Bell 525 Relentless
Ye helicopter Amreeci company bell helicopters ka ijaad kardah hai darmiyanay size ka hamil yeh helicopter 296 kilometer fi ghanta ki raftaar se urr sakta hai aur 1037 kilometer tak safar kar sakta hai is mein 2 engine hain jabkay is ke pankhe ke paron ki tadaad 5 hai is mein 16 afraad ke sawar honay ki gunjaish mojood hai is ki qeemat 15 million dollar hai umeed hai aap ko helicopter ki maloomar pasand ayi hon gi.

zvr
Your Reaction

Leave a Comment