Advertise Here
Facts Information Interesting Space Technology Universe

International Space Station In Urdu Khalai Station Dilchasp Maloomat

International Space Station In Urdu – Aaj ka article intihai dilchasp hai kyun keh ye bain alaqwami khalai markaz yani International Space Station se mutaliq hai. Aaeye is almi khalai station ke bare mein khuch dilchasp haqaiq jan laitay hain.

Almi khalai station aik khalai markaz ya rehaish ke qabil masnoi sayarchah hai. Almi khalai station par kashish saqal hoti hai. Ye station zameen se sirf 400 km meter ke faslay par hai aur yahan par zameen ki kashish bohat zabardast hai. Ye masnoi sayarah zameen ke gird intihai tezi se harkat kar raha hai is ki raftar 7 km fee second hai. Agar kashish na hoti tou station tezi se zameen se door nikal jata aur kabhi wapas laut kar na ata. Zameen is ko nechay khech rahi hai aur baqi cheezon ki tarah hi ye bhi zameen ki taraf gir raha hai lekin zameen chunkeh gol hai aur station ki raftar had se zayada tez hai is liye ye jitna girta hai utna hi aik taraf ko nikal jata hai aur zameen ke markaz ki taraf barh hi nahin sakta jis ke natijay mein ye aik madar mein phans jata hai jis mein ye hamesha girnay ki halat mein hota hai lekin kabhi zameen se nahin takra sakta. Yehi wajah hai keh agar isay rok diya jaye tou raftar na hone ke baes ye jald hi satah zameen par tabah ho jaye ga.

Insan agar is station mein pohanchna chahe tou usay rocket mein baith kar pehle is station ki raftar hasil karni parti hai. Ye aise hi hai jese koi admi aik chalti gari se dusri chalti gari mein sawar ho. Ab insan ki raftar bhi station ke barabar ho jati hai aur insan bhi us mein zameen ki taraf girna shuru kar deta hai. Ab jub donon hi zameen ki taraf aik hi tezi se gir rahe hote hain tou insan ko station ki satah ki taraf koi kashish mehsoos nahin hoti jis se aisa lagta hai keh koi kashish nahin hai aur is tarah is mein mojood tamam cheezain gir rahi hoti hain is liye ye woh khala mein bay tarteebi se urti nazar ati hain. Ye aise hi hai jese koi kisi unchi umarat ki lift mein safar kar raha ho aur lift ki rasiyan toot jayain tou lift aur us mein mojood ashya aur log zameen ki taraf girnay lagain ge aur bay wazni ki wohi kefiyat mehsoos ho gi jo almi khalai station mein hoti hai.

Space Station Facts In Urdu/Hindi

  • Bain al aqwami khalai station wazan mein 4 Lack 21000 kg ke lag bhag hai aur is ke hujam ke hisab se hawa ka dabao utna hi hai jitna keh boeing 747 hawai jahaz mein hota hai ye 6 kamron par mushtamil aik ghar jitni rehne ke qabil jagah muhaiya karta hai.
  • Khalai station mushtarkah bain al aqwami kawish hai aur saal 2000 se ab tak 17 mumalik ke 220 afrad khalai station ka safar kar chukay hain.
  • Aik andazay ke mutabiq khalai station par ab tak sarhay 26000 baar khana khaya ja chuka hai. Yahan 6 mah ke liye 3 afrad par mushtamil amlay ke liye andazan 7 ton saman darkar hota hai.
  • Khalai Station par 3d printer ke zariye ab tak 13 mukhtalif designon par mushtamil 20 cheezain print ki ja chuki hain.
  • Khalai Station ke program mein khalai agenciyon se taluq rakhne wale 1 lack se zayed afrad shamil hain jo keh amreeca ki 37 riyasaton mein rehtay hain is ke ilawa dunya ke dusre 16 mumalik mein bhi khalai agenciyon se taluq rakhne wale afrad mojood hain.
zvr
Your Reaction

Leave a Comment