Advertise Here
Essays

Islam Aik Mukamal Zabta Hayat Hai Essay In Urdu

Islam Aik Mukamal Zabta Hayat Hai Essay In Urdu
Written by Admin

Islam Aik Mukamal Zabta Hayat Hai Essay In Urdu: Quran Pak ke hote hue insan ko kisi mutbadil nizam ki koi zaroorat nahin hai aur Hamara deen Islam har zaman o makan ke har jin o ins ke liye mukamal dastoor hayat hai jo zindagi ke tamam mamlaat mein insan ko achai aur burai, naiki aur badi aur huqooq faraiz ka shaoor bakhshtay hue aman o salamti aur insani taraqi ki zamanat faraham karta hai aur zahiri o batni naimaton ki takmel karta hai tauheed khalis is ki bunyad par hai aur ikhlaq husna is ki pehchan ye rang nasal, zaat baradari, taqat o daulat aur hasb o nasab aur shah o ayaz ki bunyad par imtiyazat karne ka qail hai na is ke natijay mein kisi mard ka matmani ye tou insan ki fitri nasho numa aur Allah Ta’ala se abd o ma’abood ke khalis taluq ko qaim o mazboot karta hai aur Islam humain taqwa ka dars deta hai.

Islam hamain wafa shuari, imanat diyanat, marwat, haya o sharafat, pakeezgi aur ache ikhlaq ka deta hai. Islam aik aala tehzeeb, aik wasi saqafat aur makhsoos muasharti ausaf ka hamil hai jis mein rang o nasal, shakal o surat, rasam o rawaj aur zuban o makan jese khad o khal sanwi hesiyat rakhte hain taham mazhabi aqaid, ikhlaqi mayar aur rohani iqdar ki hesiyat bunyadi hai jin ka markazi nuqta aqeeda tauheed hai yehi farq Islam ko dusri tehzeebon se mumtaz karta hai.

Islam ki bunyad aqeeda tauheed par qaim hai aur ye aqeeda har Musalman ki infaradi zindagi mein intihai ahmiyat aur wust ka hamil hai. Jub ye aqeeda dil o dimagh mein sama jaye tou insan ki sari tag o do aur khawahish ka mehwar Rab kainaat ki Zaat theherti hai. Allah aur Nabi SAWW ki sachi mohabbat dil mein ghar kar jaye tou insan ko ye fikar rehti hai keh kahin us ki koi harkat Rab ki narazgi ka mojab na ban jaye.

Islam aik mukamal nizam e hayat hai is mein kisi qisam ka koi nuqs nahin aur na hi koi kami baishi hai is ke har hisay par amal karna farz hai kisi ko tark karna jaez nahin. Jub tak Musalman puray Islam mein dakhil nahin hon ge, Allah Ta’ala ke aur Rasool Pak SAWW ke farameen ki qadar nahin karain ge un ke liye ye maslay baqi rahain ge jub tak koi qaum apne aap ko khud nahin badalti Allah Ta’ala ko bhi us ki hajat nahin rehti. Is liye Islam ko samjhain amal karain ache Musalman banain kyoun ke kamyab zindagi ka raaz sirf Islam mein hai.

Leave a Comment