Advertise Here
Fruits Health

Japani Phal Benefits In Urdu Japani Phal Ke Faide Persimmon In Hindi

Japani Phal Benefits In Urdu
Written by Admin

Japani Phal Benefits In Urdu Japani Phal Ke Faide Persimmon In Hindi

Japani Phal – Amlok Ke Faide – Surkh rang ke tamator jese japani phal ko Pakistan ke khuch alaqon mein Amlok aur Cheeku ke names se bhi jana jata hai is ke jhilkay khuch sakht hote hain. Ye phal bunyadi toor par China aur Japan mein kasht kiya jata tha, yahan is fruit ko janoobi Asia ke dusre khiton tak phailaya gaya aur phir baad mein ye phal America aur Europe samait puri dunya mein phail gaya. Japani phal mein Vitamin C kafi maqdar mein hota hai is liye Vitamic C hasil karne ka ye behtareen zariya shumar kiya jata hai par is ka darummadar is phal ki kasht yani growing area par munhsir hai kyoun ke America mein kasht kiye jane wale japanese fruits ya Amlok mein China aur Japan ki nisbat Vitamin C ki maqdar bohat zayada hoti hai. Japani fruit ko Pakistan mein aam toor par fresh hi istimal kiya jata hai taham baaz alaqon mein isay khushk karne ke baad sabzi ke toor par bhi istimal mein laya jata hai is ka zayadatar khush istimal bhi bohat sare mulkon mein kiya jata hai. Jese har phal ke khuch na khuch faie hotay hain isi tarah is ke bhi kafi fawaid hain jo ke insani sehat ke liye kisi naimat se kam nahin hain. Ye na sirf dekhne mein khubsurat nazar ata hai balkeh is ka zaiqa bhi intihai lazeez hai.

History Of Japani Phal Ki Tareekh

Ye mausam sarma ka aik zaiqaydar phal hai. Pakay hue gool tomatoes se milta julta hai. English mein is ko Persimmon kehtay hain. Aaj se aik dahai pehle Pakistan ki sarzameen is ke liye nayi thi kyoun ke isay Japan se laya gaya tha, yehi wajah hai ke shuru mein kafi alaqon mein isay “Japani Phal” kaha jata tha. Ab tak bhi baaz alaqon mein is ko isi naam se jana jata hai.

Is khubsurat aur pyare fruit ko is mulk ki fiza khoob raas ayi hai. Chunachay hamare yahan japani phal ki kasht mein roz baroz izafa ho raha hai. Swat, Kashmir, Deer ke areas is naimat se mala maal hain. Is khush rang zaiqa phal mein qudrat ne deegar phalon ki tarah beshumar khoobiyan rakhi hain aur yehi cheez is ki barhti hoi pasandeedgi aur maqbuliat ki wajah hai.

Fawaid

Ye Persimmon fruit apne andar taqat aur tawanai ka khazana rakhta hai. Isay khane se chili hoi antain theek ho jati hain kyoun ye la’aab dar hota hai aur is ka naram goda anton ke liye bohat mufeed hota hai jo anton ke zakham ko theek karta hai.

Japan mein hone wali tehqeeq ke mutabiq Amlok bari aant mein paida hone wali baaz kharabiyon ko door karne ki bharpur salahiyat rakhta hai. Amlok ko kachi halat mein tornay se garha doodh sa nikalta hai jo phal pakne ke baad la’aab mein tabdeel ho jata hai. Isi tarah baaz health experts isay phephron mein pani bhar jane, galay ki sozish aur kharash mein bhi mufeed qarar dete hain. Aam toor par zayada jismani mushaqat se pathon mein dard hota hai aur pathon mein takleef deh qisam ki akran mehsoos hoti hai un halaat mein Amlook ka istemal bohat faida deta hai. Kamar ke dard mein Japani phal khane se bohat faida hota hai.

zvr
Your Reaction

Leave a Comment