Advertise Here
Essays

Kutub Bini Essay In Urdu Kutub Bini Ke Fawaid Kutub Beeni Ki Ahmiyat

kutub bini essay in urdu
Written by Admin

Kutub Bini Essay In Urdu Kutub Bini Ke Fawaid Kutub Beeni Ki Ahmiyat: Mera pyara mashghala deeni aur dilchasp maloomati kitabain parhna hai. Mujhe mukhtalif qisam ki kitabain parhne mein bara lutf ata hai. Garmiyon mein bohat se larkay shatranj, ludo, cricket aur guli danda waghera jese kheelon mein waqt sarf karte hain lekin main kutub bini waqt ka sahi istemal hai.

Mazedar kahaniyon aur chat patay lateefon ko parh kar dil tou hilta hi hai aur sath hi sath ilm bhi hasil hota hai. Kheel, sair o tafreh mein dusre larkon ki zaroorat hoti hai lekin parhte waqt kisi ki bhi kami mehsoos nahin hoti. Aap bagh mein ja kar darakht ki chaon mein mazay se kitabon ka mutalia kar ke dekhiye kitni khushi aur kitna ilm hasil hota hai. Mutalia se aisa kar ke dekh lain parhai ki taraf dil khud ba khud raghib ho ga.

Bohat se bache football bhi kheltay hain aur kuch dhoop mein patangain uratay hain aur dhoop mein idhar udhar ghoomtay hain lekin in sub kheelon se hum ko kuch hasil nahin hota hai. Kutub beeni se aap ko har qisam ki maloomat hasil hoti hain aur ye kitabain hi hain jin ke zariye hum degar mumalik ke bare mein maloomar hasil karte hain, ye kitabain hi hain jo hamain bara insan bana deti hain.

Bohat si kitabain scienci maloomat muhaiya karti hain jinhain parh kar dil chahta hai keh hum bhi science daan banain aur kainaat ke bare bare raaz daryaft karain. Tareekhi kitabain khas kar Islami tareekhi kitabain parhne se bari bari shakhsiyatain hamari nazar ke samne ati hain aur dil chahta hai keh hum bhi un jese banain. Bohat si kitabain hamain deni maloomat aur Ahadees muhaiya karti hain jin ko parh kar aur un par amal kar ke hum seedhay rastay par chalain aur dusron ko bhi rah e rast par la sakte hain is liye tamam mashghalon se behtar mashghala kutab bini hai.

zvr
Your Reaction

Leave a Comment