Advertise Here
Cities Facts History Special Tourism USA Videos

Las Vegas History In Urdu Las Vegas Information In Hindi Facts

Las Vegas History In Urdu Las Vegas Information In Hindi Facts

Mazi ki mri tehreerain agar aap ne parhi hon tou aap ko maloom ho ga keh main aap ko dunya bhar ke shehron ki dilchasp maloomat faraham karta araha hon aur aaj bhi ye silsila jari hai aaj main aap ko amreeci riyasat Nevada ke mehnge tareen shehar Las Vegas lay chalon ga is shehar ke bare mein ho sakta hai ye dilchasp haqaiq aap ke liye naye hon.

Las Vegas jo keh amreeca ki riyasat Nevada ka sub se bara shehar honay ka aizaz rakhta hai ye ta’atilaat ke din guzarnay ke liye, sair o sayahat ke liye dunya bhar mein apni pehchan rakhta hai magar is shehar ki aik aur khas baat bhi hai yani jua je han Las Vegas dunya ka woh shehar hai jo juway ki kamai se zinda hai isay dunya mein juway bazi ka garh kaha jaye tou ghalat nahin ho ga yani agar hum Las Vegas shehar ko aik naya naam dain tou is shehar ka behtareen naam Gunahon Ka Shehar ho sakta hai. Yahan sharab bhi har waqt dastyab rehti hai jo keh yahan ke juwa khanon ke malikaan ne un jawariyon ke liye aik medicine ke tor par rakhi hai jo dunya bhar se is shehar mein akar apni zindagi ki kamai juway mein luta detay hain aur gham e daulat mein sharab ke nashay mein doobay dikhai detay hain.

Ye shehar sirf juway bazi ke liye hi mashoor nahin hai yahan har umar ke afrad ke liye tafreeh ke mawaqa mojood hain. Las Vegas city dilchasp se khali nahin hai aaeye is gunahon ke shehar ke bare mein kuch aisi batain jaan laite hain jo dilchaspi liye hue hain.

Las Vegas Facts In Urdu

  1. 20th century mein amreeca mein jitnay bhi shehar qaim hue Las Vegas un mein sub se bara shehar mana jata hai.
  2. Falaq bos, rangeen, chamakti hoi Las Vegas ki emaratain juway ki kamai se zinda hain idhar zameen jaidaad bhi aik juwa hi hai.
  3. Karoobar ki gharz se anay wale naye log is shehar mein kamyaab hona chahte hain tou un ke liye Las Vegas shehar mein kamyabi ka yehi nuskha hai keh agar koi yahan pehle se mojood emaraton se unchi emarat qaim nahin kar pata tou zayada arsa tak ye shehar usay bardasht nahin kar sakta.
  4. 2014 mein Las Vegas ki abadi 6 Lack se uper thi magar 2014 ke baad ke saalon mein is shehar mein bari tezi se abadi barhti ja rahi hai aur ye bari hairan karn dene wali baat hai keh Las Vegas dunya ke intihai mehnge shehron mein se aik hai magar phir bhi dunya bhar se log Las Vegas mein zindagi jeenay ki gharz se arahe hain shayed yahan anay walon mein aksariyat aise logon ki hai jin ka dunya ka koi bhi mehnga shehar kuch nahin bigar sakta.
  5. Las Vegas hollywood ki filmon ke liye bari kashish rakhta hai.
  6. Agar aap kabhi amreeca ayain tou aap ko yahan ke sheharon mein safai ka behtareen nazam nazar aye ga wese hi Riyasat Nevada ke is shehar Las Vegas mein bhi aap ko safai ka maqool intizam dikhai de ga.
  7. Las Vegas ke casino mein khanay peenay ki cheezain sasti hain shayed is ki wajah ye hai keh in ke malikaan casino ki table ko hi apni amdani ka zariya mantay hain dusre lafzon mein keh saktay hain keh dunya bhar se anay wale jawari un ke liye qeemti machliyan hain jinhain pakarnay ke liye Las Vegas ke tamam casino malikan nai se nai tarkeebain banatay rehtay hain. Is juway ke samandar mein nayi anay wali machliyon ko juway ki manjhi hoi purani bari machliyan asani se daboch laiti hain.
  8. Yahan ke casino mein jitni maliyat ka juwa kheela jata hai is se ye andaza lagaya ja sakta hai keh yahan anay wala rozana taqreeban 450 dollar ka juwa kheela hai.
  9. Las Vegas shehar shadiyon ke hawalay se bhi bara mashoor hai kyun keh yahan rozana 300 shadiyan hoti hain.
  10. Amreeca ke hotalon ki baat ki jaye tou yahan banay 20 bare hotalon mein se 17 las vegas shehar mein mojood hain aur dunya ke jo 25 behtareen hotel samjhay jatay hain un mein se 15 ka taluq las vegas se hai.
  11. 1980 Las Vegas ka woh saal tha jub yahan ke aik hospital mein kaam karne walon ko is baat par naukari se farigh kar diya gaya tha keh woh ye shartien lagatay thay keh kon sa mareez kab maray ga aur us hospital ki aik nurse par ye ilzam bhi aaed kiya gaya tha keh us ne aik mareez ko sirf is liye maar diya tha keh woh shart jeet sakay.
  12. Las Vegas ko hotalon ka shehar bhi kaha ja sakta hai yahan hotel kitni bari tadad mein mojood hain is ka andaza aap sirf is baat se hi laga lain keh agar koi insan yahan ke tamam hotelon ke tamam 105120 kamron mein aik raat theharna chahay tou isay apni is khawahish ko pura karne mein taqreeban 288 saal lagain gey yani ponay 300 saal ka arsa jo ke insanon ke liye tou bilkul namumkin baat hai.
  13. Kamron ke hisab se amreeca ke hotalon ki baat karain tou Las Vegas shehar mein aik mgm hotel hai jo keh amreeca ka pehla aur dunya ka dusra sub se bara kamron wala hotel hai.
    Las Vegas shehar ke bare mein aap ko ye maloomat pasand ayi tou inhain apne doston se zaroor share karain aur yesheaven website par visit kartay rahain kyun ke yahan aap dunya bhar ki sair kar sakain ge.
zvr
Your Reaction

Leave a Comment