Advertise Here
Facts Information Interesting

Lightning Information In Urdu Asmani Bijli In Hindi Facts

Lightning Information In Urdu Asmani bijli ka shumar un qudrati afaat mein hota hai jis ka girna tou door ki baat mehz dekhna hi dehshat zada kar deta hai. Bijli jahan zindagi mein roshni lati hai wahin asmani bijli insani zindagi mein andhera lanay ka kaam karti hai. Pakistan, bharat samait dusre kayi mumalik mein har saal asmani bijli hazaron insanon ki zindagi ka khatma kar deti hai. Aeye isi asmani bijli ke bare mein chand dilchasp maloomat aur haqaiq jantay hain.

Lightning Facts In Urdu Asmani Bijli Dilchasp Haqaiq

  1. Asmani bijli suraj ki satah se bhi kayi gunah zayada garam hota hai.
  2. Barah e rast asmani bijli ka girna intihai khatarnak hota hai.
  3. Har saal dunya bhar mein taqreeban 24000 log asmani bijli girnay se luqma e ajal ban jatay hain.
  4. Asmani bijli mein itni tawanai hoti hai keh woh double roti ke 160,000 tukron ko asani se toast kar sakti hai.
  5. Africa mein 1998 mein aik football match ke doran asmani bijli girnay se aik hi team ke 11 khilari halak ho gaye thay jabkeh hairat angez tor par dusri team ke tamam khilari mehfooz rahe.
  6. 1939 mein aik amreeci riyasat Utah mein 835 bheerain asmani bijli ke aik hi jhatkey se halak ho gayien thien.
  7. Aik scienci report ke mutabiq agar global warming ka silsila yunhi jari raha tou sun 2100 tak asmani bijli girnay ke waqiat mein 50% tak izafa ho sakta hai.
  8. Aik andazay ke mutabiq mashoor amreeci riyasat New York mein mojood mujasma azadi har saal 600 bolts asmani bijli ka samna karta hai.
  9. France mein mojood dunya ke mashoor eiffel tower ke bare mein tou aap ne yaqeenan suna hi ho ga magar aap ye nahin jante hon ge keh 1902 mein eiffel tower ke uper ke hisay ko asmani bijli ne shadeed nuqsan pohanchaya jis ki wajah se us hisay ko dobara tameer karne ki zaroorat mehsoos hoi.
  10. Wese tou dunya bhar mein asmani bijli girnay ke imkanat mojood rehtay hain magar amreeci riyasat texas mein asmani bijli girnay ke beshumar waqiat ru numa ho chukay hain aur aaj bhi ye riyasat asmani bijli ke girnay ke khatraat se do char hai.
  11. Bar e azam africa jo keh mukhtalif janwaron ka ghar mana jata hai wahan bongo nami aik aisa janwar bhi paya jata hai jo asmani bijli se jali hoi larki ko intihai shoq se khata hai.
  12. Mashoor Empire State Building jo keh riyasat new york ki pehchan bhi hai isay aap ne aksar hollywood filmon mein bhi dekha ho ga is mashoor emarat se har saal taqreeban 23 martaba asmani bijli takrati hai.

Asmani Bijli Kaise Paida Hoti Hai

Agar baat ki jaye keh asmani bijli kaise banti hai tou darasal ye us waqt paida hoti hai jub badal aur tez hawa aik dusre se ragar khatay hain. Asmani bijli mein croron volt aur croron ampere current hota hai jo zameen par 2 tarah se lapakta hai.

  • Number 1 – Jo shakhs ya chez maslan emarat aur darakht waghera jo us jagah ki munasbat se unchay tareen hon un par bijli gir kar zameen mein chali jati hai.
  • Number 2 – Science danon ke mutabiq zameeen mein bhi masbat ya manfi charge hota hai is liye asmani bijli bhi us charge ki taraf lapakti hai aur zameen mein chali jati hai. Had darjah voltage aur mega ampairs ki wajah se asmani bijli apne rastay mein anay wali hawa ko ionize kar deti hai jis ki wajah se hawa mein us ka safar mumkin hota hai.

Asmani Bijli Ki Iqsam

Asmani bijli ko zahiri tor par 2 aham iqsam mein bayan kiya ja sakta hai. number aik jub asman par cameray ke flash ki tarah roshni dikhai de tou usay chadar wali bijli yani sheet lighetening kaha jata hai jabkeh dusri qisam mein asman par bijli teerhi meerhi lakeeron ki tarah dikhai de tou usay darar numa bijli ya fork lightening kaha jata hai.

Yaad rahe keh shakhon ki tarah darar numa asmani bijli badal se zameen ki janib safar karte hue paida hoti hai aur baaz auqat zameen par gir jati hai. Jub is tarah ki asmani bijli paida hoti hai tou us ki tawanai se itraf ki hawa bohat garam ho kar pheelti hai jis se aik zordar dhamaka sunai deta hai jisay badlon ki garj se bhi tabeer kiya jata hai. Hamari zameen par mojood ashya par amooman masbat charge hota hai aur yun bijli ka karaka zameen ki janib lapaknay ki koshish karta hai jisay zameen par bijli girna kehte hain is se janglaat mein aag lag jati hai aur log aur janwar jal kar rakh ho jatay hain.

Pakistan aur bharat mein asmani bijli girnay ke hawalay se awam mein kayi tohmaat payi jati hain maslan ghar ka pehla bacha is ka zayada shikar hota hai tou dusri janib bazurg sayah kapre pehannay se mana karte hain lekin in donon baton mein koi sadaqat nahin. Mahireen mausamiyat is qisam ki tohmaat ko rad karte hain.

Asmani Bijli Se Mehfooz Rehne Ka Tarika

Agar asman par bijli karak rahi ho tou darakhton ke nechay kharay hone se gureez karna chahiye kyun keh darakhton par asmani bijli gir sakti hai. Isi tarah lohay aur folaad ke janglon aur dhati pipon se bhi door rehna chahiye.

zvr
Your Reaction

Leave a Comment