Birds Facts Information Interesting Videos

Penguin Information In Urdu Penguin Facts In Hindi

.

Penguin Information In Urdu Penguin Facts In Hindi – Aaj aap ko dunya ke intihai khubsurat parinde yani penguin bird ki maloomat faraham ki ja rahi hain tou aeye jantay hain. King Penguin qutub janoobi ke intihai sard mausam mein rehtay hain. Almi satah par hone wali mausamyati tabdeeliyon ki wajah se qutab janoobi ya antarctica ki barf pighal rahi hai. Ye barf in khubsurat Penguins ki baqa ke liye zaroori hai. Aaeye is masoom se aur khubsurat se Shehanshah Penguin ke bare mein 10 dilchasp haqaiq jantay hain.

Penguin Facts In Urdu Penguin Dilchasp Maloomat

  1. Shehanshah Penguin ke bachon ki pedaish aur parwarish samandar par tairtay barf ke bare tukron par hoti hai jisay fast ice kaha jata hai. Ye tukray zameen ya barf ke bare hisay se mukamal tor par alehda nahin hotay balkeh in ka kuch hisa in se jura hota hai. Paidaesh se maut tak Shehanshah Penguin apni zindagi barf ke uper ya is ke ird gird guzartay hain.
  2. Dunya mein payi jane wali Penguin ki kul 18 iqsam mein Shehanshah Penguin sub se bare hain. In ka shumar dunya mein paye janay wale sub se bare parindon mein hota hai. In ki qamat kam o baish 120 cm aur wazan 40 kg ke lag bhag hota hai. Saal ke mukhtalif hison mein in ka wazan barhta aur ghat’ta rehta hai. Qutab janoobi mein mega penguin ke fossils (fasils) milay hain jo 3 crore 70 lakh saal qadeem hain un penguin ka qad 2 meter tha. Kaha jata hai keh Shehanshah Penguin ka irtiqa unhi mein se hua tha.
  3. Qutab janoobi mein 5 lack 95 hazar baligh Shehanshah Penguin paye jatay hain.
  4. Sattelite technology ki madad se 2012 mein bartanwi science danon ne Shehanshah Penguin ke rehnay ke ilaqon ka jaeza liya tha. Unhon ne us doran in ki kul tadad bhi shumar ki thi aik andazay ke mutabiq aaj kal in ki rehaish ke kul 54 ilaqe qutab janoobi mein paye jatay hain.
  5. Shehanshah Penguin sardiyon mein anday seetay hain. Anda dene ke baad madah penguin usay apne sathi ke hawalay kar deti hai jo usay 65 se 75 din tak seeta hai.
  6. Shehanshah Penguin -50 degree centigrade darja hararat mein bhi zinda reh sakte hain. Ye 200 km fee ghanta ki raftar se chalnay wali intihai sard hawa ko bardasht kar sakte hain. In ke paron ki 2 tehain hoti hain aur jism mein chiknai ki zayada miqdar inhain thand se mehfooz rakhti hai. In ke paon par bhi par hotay hai jo inhain sardi se bachatay hain.
  7. Ye Penguin parindon ki dunya ke bohat bare ghota khor hain inhain 564 meter gehrai tak samandar mein ghota lagatay aur 28 minute tak pani mein rehte dekha gaya hai.
  8. Ye qutab janoobi ki silver fish aur machliyon ki degar iqsam ko khatay hain. Baligh penguin 2 se 3 kg fee din khoraak khata hai taham kabhi kabhi ye 6 kg tak bhi kha laita hai.
  9. Nar Shehanshah Penguin 4 mah tak kuch nahin khatay ye woh arsa hai jub woh andey seetay hain. Inhain andon se bachay nikalnay ke baad in ki maa ke wapis anay par khana naseeb hota hai. Is arsay mein in ke andar chiknai ki bari miqdar tawanai ka zariya banti hai.
  10. Shehanshah Penguin barf ki dushwar guzar amoodi chatanon par charhnay ki salahiyat rakhte hain.

Leave a Comment