Documentaries Facts History Information Interesting Sea Videos

Persian Gulf History In Urdu Khaleej Faras Persian Gulf Facts Hindi

.

Persian Gulf History In Urdu Persian Gulf Ki Tareekh – Agar tou aap meri video baqaidgi se dekhtay aye hain tou aap jantay hi hon ge keh samandaron ke bare mein videos banana samandar par articles likhna aur nayi se nayi maloomat hasil karna mujhe bay had pasand hai aur yehi wajah hai keh aaj ka ye article phir se samandar ke bare mein hai tou aaj main us samandar ke bare mein baat karon ga jis ke sahil Saudi Arabia, Kuwait, Iraq, Qatar, Iran aur Dubai se miltay hain. Main baat kar raha hon us Samandar (sea) ki jisay dunya Persian Gulf ya Arabian Gulf ke naam se janti hai aur urdu language mein isay khaleej faras kaha jata hai. Agar tou aap kabhi Pakistan se Umrah ya Hajj ki sa’adat hasil karne Saudi Arabia ja chukay hain tou yaqeenan aap is khazanon se bharay samandar ke uper se guzar chukay hain. Tou aeye khaleej pharas ke bare mein dilchasp maloomat hasil kar laitay hain.

Khaleej Faras janoob maghribi asia mein Iran aur jazeera numa Arab ke darmiyan waqe khaleej hai.

What Is Gulf In Urdu – Khaleej Kya Hai?

  1. Khaleej pani ka woh hisa hai jo 3 taraf khushki se ghira hua aur aik taraf samandar se mila hua ho.
  2. Samandar ka woh hisa jo khushki mein door tak chala gaya ho maslan khaleej bangal, khaleeg pharas waghera.

Persian Gulf Information In Urdu Hindi Persian Gulf Ki Maloomat

Khaleej Pharas tijarati nuqta nazar se dunya ke aham tareen aabi ilaqon mein shumar hoti hai. Ye Iran, Iraq aur baaz Arab riyasaton ko behr e hind se milati hai.
Khaleej Pharas 1980 se 1988 ke darmiyan Iran Iraq war ke baes dunya bhar ki tawajah ka markaz bani jub donon mumalik ne aik dusre ke tail ke zakhair par hamlay kiye. 1991 mein Jang Khaleej ke moqa par Khaleej Pharas aik martaba phir jang ki zad mein ayi jub America ne Kuwait par Iraq ke qabzay ko khatam karne ke liye ittehadiyon ki madad se Iraq par hamla kiya.

Persian Gulf yani Khaleej Faras tail, machliyon aur motiyon ki daulat se mala maal hai lekin guzashta dahaiyon mein jangon ke darmiyan tail ke zakhair mein rasao ke baes aabi hayat ko shadeed khatraat lahaq hain.

Geography – Persian Gulf Kahan Hai
233,000 muraba km ki khalij faras, Aabnaye Hormuz ke zariye Khaleej Oman se munsalik hai. Darya e Furat aur Darya e Dajla khaleej pharas mein girnay se pehle shat alarab banatay hain. 989 km taweel ye khaleej Iran aur Saudi Arab ko juda karti hai. Donon mulkon ke darmiyan kam az kam fasla Abnaye Hormus ke maqam par 56 km hai.

Persian Gulf Kitna Gehra Hai

Khaleej mein pani zayada gehra nahin aur zayada se zayada gehrai 90 meter yani 295 foot jabkeh ausat gehrai 50 meter 165 yani foot hai.

Islands In Persian Gulf
Khaleej Pharas mein kayi chotay chotay jazeeray bhi hain. Khalij pharas ke sahilon ke sath qaim taqreeban sabhi mumalik tail aur gas ki daulat se mala maal hain.

Oil And Gas
Khaleej Pharas aur is ke sahili ilaqe dunya mein tail ka sub se bara zariya hain isi liye tail se mutalqa sanatain hi khitay mein sub se zayada hain. Samandar mein dunya ki sub se bari oil field Al Safaniya isi khaleej mein waqe hai. Is ke ilawa Qatar aur Iran mein gas ke wasi zakhair bhi daryaft hue hain. Is gas ki badaulat Qatar ne bari tadad mein maya qudrati gas yani LNG aur petrochemical sanatain qaim ki hain.

Tareekhi Hawalah Jaat
Nowien sadi eeswien ke Muslim musanif Yaqoobi ne Khaleej Pharas ko Bahira Pharas ke naam se likha hai aur isay China tak pohanchne ke liye sath samandaron mein se aik bataya hai.

Leave a Comment