Advertise Here
Essays

Radio Essay In Urdu Radio History In Urdu Radio Importance

Radio Essay In Urdu Radio History In Urdu Radio Importance
Written by Admin

Radio Essay In Urdu Radio History In Urdu Radio Importance

Radio insan ki aik behtareen ijad hai shehron kay ilawa aese dihaat jahan bijli abhi tak nahi phunchi aur television nahin chal sakta log radio say hi maloomat hasil karte hain. Ganay suntay hain use apni tafreeh ka saman samajhte hain. Dehaat main to is ka is qadar rawaj hai kay kisan hal bhi chala raha hai to hal kay sath radio bhi sath rakhta hai isi tarha shehron main bhi is ka bohot ziada istamal hay.

Sab say pehle Max Molar nay barqi lehron kay mutalluq inkashaf kiya is kay Addison ne is par mazeed tahqeeq ki aur tajarbaat kiye. Us zamanay mein aik aur sciencedan Markoni jo radio par tajarbaat kar raha tha radio bananay main kamyab ho gaya. Ibtidai marahil mein us ka daira kar bohot mehdud tha. Lekin jese jese tajarbaat aur mushahidaat hue is kay nitaij hosla afza hote gai aur woh dur dur tak pegham phunchanay main bhi kamyab ho gaya. Hatta kay America aur England jo aik dusray say bohot dur hain kay darmiyan peghamat phunchae gae. Is kay baad bhi is par kaam hota raha aur dunya kay har goshay main radio hain aur dur daraz kay mulqon kay darmiyan pegham rasai kamyabi say ho rahi hai. Har mulq ke program nasar ho rahe hain yahan bethe Amrica ka program laga lein England ka laga lein saaf awaz sunai deti hai.

Radio ki ijad nay mulqon ki duri ko nazdeek kar diya hai aik waqt tha ke pegham rasani ka kaam bohot mushkil tha. Androon e mulq pegham pohanchanay kay liye ghoron par aik aadmi ko bheja jata tha. Is mein faslay kay aitbaar say kayi mahine bhi lag jate thay. Rastay main musibatein bhi bardasht karna parhti thien beruni mulq mein pegham rasani ke kaam ka andaza laga lain ke woh kis qadar mushkil hota tha aaj radio ki badoolat England mein baat ho rahi hai aur isi waqt aap Pakistan mein sunn sakte hain ye science ka kamaal hai.

Radio ke zariye tamam dunya ke halaat ka pata chalta rehta hai khabrein suni jati hain. Har mulq kay sayasi halaat se agahi milti rehti hay hum subha uthte hi Khuda ki Hamd-o-Sana ka programme suntay hain is ke baad Naat e Rasool Maqbool SAWW sunte hain hamara imaan taza hota hai. Radio par bohat se islahi program bhi hote hain jin se dilon mein hub-ul-watni ka jazba paida hota hai. Achay kaam karne ki salahitein ubharti hain. Khidmat-e-khalq ka jazba taza hota hai in mein mili naghmay hote hain jo hame hub-ul-watan kay takazay yaad dilate hain. Dusray tafreehi program bhi hote hain mazahiya program bhi hote hain. Karachi, Lahore, Rawalpindi, Quetta, mulk kay mashur radio station hain. Pakistan main beth kar hum India kay ganay bhi sunn sakte hain aur siri nagar ka program bhi sun sakte hain. Jahan tak radio ke faide ya mufadat ka taluq hai tou woh bohat zayada hain. Jab se radio ki ijad hoi is nay logon ko maloomat faraham karne main bohot madad di hai aur sath hi sath radio tafreeh ka bohot acha aur arzan saman bhi hay. Ab to radio rakhna bhi bohot asan ho gaya hai itnay chote chote set nikal aae hain kay jaib main daal kar phirte raho aur program say dil behlate raho.

1 Comment

Leave a Comment