Advertise Here
Documentaries Gold History Information Interesting Pakistan Places Special Videos

Reko Diq In Urdu Gold Mines In Pakistan Mein Sone Ke Zakhair Khazana

Reko Diq In Urdu Gold Mines In Pakistan Mein Sone Ke Zakhair Khazana

Aaj ka article pakistan mein sonay ke khazanon ke bare mein hai is mein aap ko andaza ho ga ke yahan kitnay baray sonay ke zakhair hain aur in ko muft ka maal samajh kar kis tarah dusre mulkon ki compniyon ko is khazanay ka malik banaya gaya tha.

Pakistan ke zila chaghi mein Reko Diq aik chotay se qasbay ka naam hai. Tareekhi aitbar se reco dek aik qadeem atish fishan ka naam tha. Maqami zuban mein Reko dik aik sehrai choti ko bhi kaha jata hai. Aik takhmeenay ke mutabiq yahan sonay ke zakhair ki maliat 200 arab dollars se bhi kahin zayada hain. Yahan na sirf sonay ke zakhair hain balkeh yahan 12 million ton tambay ke zakhair bhi mojood hain aur aap ye jaan kar hairan hon ge ke tambay ke ye zakhair chille ke mashoor zakhair se bhi zayada hain. Aur baat yahin khatam nahin hoti yahan shale gas ke bhi bohat bare zakhair hain aur ye shale gas hai kya chez ye kis ke mutbadil ke tor par kaam aa sakti hai aur Pakistan mein shale gas ke kitnay bare zakhair hain ye sub batain main aap ko age chal kar batata hon inhain jaan kar aap herat mein par jayain ge ke itnay khazanay hone ke bawajood hamare is mulk ki halat kya hai.

CPEC vs Reko Diq Gold Mine
Aaj kal tv par jisay dekhain woh CPEC ke bare mein baat kar raha hota hai theek hai ye bhi acha project hai magar is ka zayada faida tou china hi hasil kare ga magar main aap ko apni puri imandari se ye baat batana chahta hon ke reco dek ke paharon mein dafan ye sona cpec se hazaron guna qeemti aur bara project hai aisa kyun hai aeye jantay hain.

Reko Diq Inportance – Pakistan Ki Sone Ki Kaan Ki Ahmiyat

Is waqt Pakistan ka kul qarza 80 arab dollar ke qareeb hai jis ka pakistan salana 1 arab dollar se zayada sood ada karta hai. Ye zakhair hamain na sirf qarz se nijat dila sakte hain balkeh mulki taraqi ke liye 120 arab dollar se zayada ki kaseer raqam bhi faraham kar sakte hain. Sochain agar Pakistan par koi qarza na ho aur mulki khazanay mein 100 Arab dollar se zayada para ho tou is mulk ki maeeshat kahan jaye gi ye mulk aur yahan ke rehne walon ka mayar e zindagi kitna buland ho jaye ga.

Reko Diq History – Reko Diq Case In Urdu
Aap sonay ke in paharon ki tareekh ke bare mein bhi zaroor janna chahte hon ge tou aaeye is bare mein bhi khuch baat kar laitay hain. 1994 mein sonay ke in paharon ko Australia ki aik company ko lease par de diya gaya. Us ne 2004 mein yahan kankani ke huqooq Canada aur Chille ki mushtarka company TCC ko bech diye ye company state bank of pakistan ya kisi bhi aur ko bataye baghair yahan se sonay ka aik aik ounc nikal sakti thi. Us company ne kaan kani ke liye 400 km ka raqba apne qabzay mein liya tha baat yahin khatam nahin hoti.

Aik muahde ke teht chille aur canada mein se har aik ka hisa 37.5% tha aur Pakistan jis ki sar zameen se ye zakhair nikale ja rahe thay us ka hisa sirf 25% tha jo keh pakistan aur pakistaniyon ke sath dhoka tha. Yani ye compniyan 200 arab dollar ke is sonay ke khazanay mein se 150 arab dollar khud rakh sakti thien aur pakistan ka hisa sirf 50 arab dollar tha. Mulk hamara sona hamara aur hamara hisa sirf 25% aur jin ka is sonay se koi taluq nahin un ka hisa 75% khud sochain kitni bari na insafi is mulk ke sath ki gayi thi.

Pakistan ki in sonay aur tanbay ki kanon ki koriyon ke daam farokht aur un mein corruption ke mutaliq khabrain shaya hone ke baad ye mamla adalat tak ja pohancha aur is tarah is case mein subai hukumat ko is mansoobay ke hawale se kisi bhi mulki ya ghair mulki company ko tender dena ka haq hasil ho gaya aur phir TCC ne subai hukumat ke khilaf darkhwast wapas lay li jis ke baad reco dek mansoobay ke hawalay se koi tanaza baqi nahin raha. Par aaj is baat ko 2 saal guzar chukay hain sab aap ke samne hai. Ye intihai afsoos ki baat hai ke mere jesa aik aam insan ye janta hai ke hum chand salon mein kis tarah is mulk ko dunya ke ameer mumalik mein shamil kar sakte hain magar pichlay 70 saalon se ye baat hamare hukmaran nahin jaan sake. Par dunya jaanti hai jese keh Iran pichlay 30 saal se sar chashma ke maqaam se sona nikal raha hai jis ne iran ki maeeshat ko bohat sahara diya hai.

Natural Resources Of Pakistan
Is mulk mein kitnay khazanay hain, koela hai, tanba hai, loha hai, qeemti pathron ke pahar hain jin mein yaqoot pathar hai, topaz hai, zamurd pathar ke khazanay hain, Pakistan ke paas 435 million barrel tail bhi mojood hai, namak ki kanain hain, Is ke ilawa reko dek mein darjanon degar madniyat bhi mojood hain, yahan shale gas ke dunya ke dusre bare zakhair mojood hain aur kya aap is ki ahmiyat jante hain agar nahin jante tou sunain is gas ko petrol ke mutbadil ke tor par istemal kiya ja sakta hai. Amreeca ki misal hamare samne mojood hai jo apni shale gas ko nikalne ke baad Saudi Arab ke tail ka mohtaj nahin raha.

zvr
Your Reaction

Leave a Comment