Advertise Here
Essays

Sachai Essay In Urdu Sachai Ki Ahmiyat Speech Sachai Ki Barkat In Islam

sachai essay in urdu
Written by Admin

Sachai Essay In Urdu Sachai Ki Ahmiyat Speech Sachai Ki Barkat In Islam

Speech on Sachai In Urdu Sachai In Islam
Sahai Ki Taqat: Sachai aik muslima ikhlaqi qadar hai dunya ka koi mazhab aesa nahi jisne sachai ka rasta ikhtiyar karne ki talqeen na ki ho aur dunya ka koi muallim aesa nahin jis ne sachai par kar band rehne ka dars na diya ho. Islam nay to khastor par sachai ko aehmiyat di hay. Allah Ta’ala nay Quran Kareem mein khas tor par mominon kay liye hukum diya hai ke woh sachay logon ki suhbat ikhtiyar karain. Nabi SAWW nay bhi tamam Musalmanon ko hamesha sach bolne ki talqeen farmai hay.

Sachai main bohot say rohani aur maasharti fawaid bhi muzmir hain. Sach bolne say insaan ka dil mutmaeen rehta hay, is kay andar khud aetmadi peda hoti hay aur use kisi qisam ka koi khadsha nahi rehta. Iskay baraks jhoot bolne wala hamesha pareshan rehta hay kay use khtra lahiq hota hay kay us kay jhoot ka parda na khul jae aur use ruswai ka samna karna na pare.

Hadees mubarka main hay kay sach bolne say chehre par ronak aur tazgi aati hay aur jhotay aadmi ka chehra is ronak say mehroom rehta hay. Is ka mushahida umli zindagi main qadam par kia jasakta hay. Wakai sach hay kay sach bolne say chehre par ronak dekhai deti hay aur jhotay kay chehre par lanat barasti rehi hay.
Sachai say na sirf rohani fawaid hasil hote hain balke maasharti fawaid bhi hasil hote hain. Sach bolne walon kay darmiyan aetmad ki fiza peda hoti hay jab kay jhoot bolnay walon kay darmiyan aetmad ki fiza peda nahi hoti hay. Isliye agar muashray main sachai ko farog miljae to is muashray kay andar basnay walay insaanon kay darmiyan bahimi aetmad ki aik aese fiza peda hogi jo muashray main khushhali ki bunyad sabit hogi.

Sachai say karobar zindagi main bohot s sahulaten peda hojati hain jin ke baais zindagi jannat ka namona ban jati hay. Iskay baraks agar muashray main jhoot ka rawaj hojae to dhoka dahi aur fareeb aam hojaengay jis ka nateja ye niklay ga kay is muashray main achay logon par koi aetmad nahi karega. Bay aetmadi ki aese fiza peda ho jaegi kay husn tareekay say zindagi kay mamlat nimtana bhi mumkin nahi rahega.

Sachai na sirf bolne walon ko jhoot say bachati hay balke iski harkat say dusray bhi raherast aajate hain aur gunahon ki daldal say bahir aajate hain. Iski aik mashor misal say jo sachai kay asraat ko samjhane kay liye kafi hay. Aik baar Hazrat Ghaus e Azam, Hazrat Sheikh Abdul Qadir Jilani ki walda nay inko 40 asharfiyan dekar qaflay kay sath rawana kia. Rastay main dakoun nay qaflay par hamla kardia aur qaflay walon ko loot liya. Ye dor Hazrat Sheikh Abdul Qadir Jilani kay bachpan ka dor tha dakoun nay inhe samajh kar nazar andaaz kar dia kay Unkay pas kya ho ga. Aik daku nay yunhi Unse pucha kay larkay tumhare pas kya hai. Unhon ne kaha ke 40 asharfiyan, daku samjha ke ye larka mazak kar raha hai. Wo unhe pakar kar sardar ke pass lay gaya unhon ne sardar ko bhi yehi bataya kay in ke pass 40 asharfiyan hain. Is sachai ka sardar par itna asar hua kay na sirf wo balke us kay saray sathi daku nay bhi sachay dil say gunah ki toba ki aur tamam musafiron ko unka loota hua maal wapis kar diya.

Chunancha humain har halat main sachai ko apna ishaar bana kar rakhna chahiye aur kisi surat main jhoot ka rasta apnana nahin chahiye.

Leave a Comment