Advertise Here
Essays

Shehad Ki Makhi Essay Urdu Honey Bee Information Shehad Ki Makhi Ki Maloomat

Shehad Ki Makhi Essay
Written by Admin

Shehad Ki Makhi Essay Urdu Honey Bee Information Shehad Ki Makhi Ki Maloomat Honey Bee Mazmoon

Hamaray giِrd o paish makhloqaat mein janwar, insan, charind parind sabhi shaamil hain in makhloqaat ka mutalea batata hai ke in se aisi sifaat aur harkaat ka zahoor hota hai jo intihai munazam aur paicheeda hain. Ye makhloqaat is baat ka shaoor achi terhan rakhti hain ke kis terhan unhein apni nasal ki baqa aur apni jaan ki hifazat karni hai. Mausamon ke tagayur ke mutabiq hijrat, makhsoos ilaqay mein anday dena aur wapas laut aana yeh sab intihai herat angaiz hai. Aqal ko hairan kar dene wali cheezon mein se aik shehad ki makhi hai.

Maujooda daur mein science danon ne shehad ki makhion ki zindagi ka mutalea kiya hai isi mutalay mein maloom howa hai ke is mamooli si jasamat ke haamil magar ajeeb o ghareeb janwar ka ijtimai tarz hayaat kayi hawalay se insan ko warta herat mein ghark karne ke liye kaafi hai bil khasoos un ke shehad bananay ka amal nihayat hi munazam aur marboot hai.

Shehad ki makhi shehad bananay ke amal ka aaghaz phoolon se amrat (nectar) akatha karne se karti hai. Amrat aik meetha ras hota hai jo phoolon mein zayada tar shakri maday se banta hai aik makhi apni zabaan se ye ras choos kar apne pait mein jama kar ke chatay taqk jati hai. Chatay mein aik aur shehad ki makhi is ras ko apne munh mein le layti hai aur kuch der taq usay chabati rehti hai is terhan shehad ki makhi ke munh mein mojood keemiyai madah bhi is ras mein shaamil ho jata hai is ke baad makhi ras ko 6 konay wali mom ke khalion mein jama karti hai. Deegar makhiyan apne apne paron ko pharphara kar hawa ki harkat ko taiz karti hain takay shehad mein se izafi nami sookh jaye is ke baad makhiyan khalion ke munh ko mom ki aik bareek teh se band kar deti hain is tarhan zakheera andoozi se shehad hazaron saal tak kharab nahin hota. Ye sara amal shehad ko aik mustahkam aur dairpa ghiza mein tabdeel kar daita hai.

Aqal o shaoor ki hamil hasti insan jab is tarhan ka koi amal karta hai to is ke peechay barson ke tajarbaat ka ilm shaamil hota hai aaj ka jadeed insan bhi is tarhan ki pedawar ke liye bohat se aloom bil khasoos chemistry ki madad laita hai aik vitamin supplement ke peechay kayi barson ki tahaqeeq kar farma hoti hai. Magar hum jantay hain ke makhion ke paas na hi hasool ilm ka koi zareya hai aur na hi insani aqal is amal ko mehez chemical reaction ya ittefaq keh sakte hain lekin is ke bawajood lakhoon baras se makhiyan yeh amal kar rahi hain.

Makhion ke is amal ki tanha tojih yehi ho sakti hai ke unhein kisi kharji zaraye se in amaal ke mutaliq hadayat mili hain aur woh in hadayat ke mutabiq zindagi basar kar rahi hain. Inhein fitri tor par kisi aisi hasti ki rahnumai hasil hai jo fitrat ke kemiyai qawaneen se waqif ho bila shak woh hasti in qawaneen ke Khaliq ke siwa koi nahin ho sakti.

zvr
Your Reaction

Leave a Comment