Advertise Here
Countries Facts Information

Singapore Facts In Urdu Dilchasp Maloomat Singapore Ki Jankari

singapore facts in urdu singapore ki maloomat dilchasp haqaiq facts singapore urdu hindi
Written by Admin

Singapore Facts In Urdu – Singapore Fact In Hindi

Pichlay article mein aap ko maine Singapore ki tareekh ke bare mein bataya tha aur is par aik documentary film bhi urdu zuban mein banai thi par aaj singapore ke bare mein dilchasp haqaiq parhiye.

  1. Singapore ke bare mein kuch dilchasp haqaiq ki baat ki jaye tou.
  2. Singapore ki abadi se zayada yahan log sayahat ke liye atay hain.
  3. Yahan mein sara saal kafi barishain hoti hain magar achi baat ye hai keh yahan bijli 1 minute bhi nahin jati.
  4. Singapore Malaysia se taza pani ke ilawa rait bhi daramad karta hai.
  5. Ye mulk dunya ke 20 chotay mumalik mein se aik hai jabkeh America singapore se taqreeban 1500 guna zayada bara hai.
  6. Dunya ka pehla night zoo aur night safari Singapore mein waqe hai.
  7. Dunya ke 10 bare fawaron mein se aik fawara singapore mein hai jis ki tameer par 1997 mein 6 million amreecan dollar lagat ayi thi.
  8. Asia ka sub se behtareen airport Singapore mein hai jis ka naam changi airport hai. Ye airport 1987 se lay kar ab tak musalsal 30 salon se asia ke behtareen airport ka award hasil karta araha hai.
  9. Singapore mein agar bachon ki tareekh e paidaesh ki baat ki jaye tou Singapore mein puray saal ke muqablay mein october mein maheenay mein zayada tar bachay is dunya mein atay hain.
  10. Singapore country mein sub se zayada cheeni logon ke naam Tan, Lim aur Lee hain.
  11. Jabkeh bohat sare kaam karne wale paisha war afrad apne paas 2 mobile phone rakhte hain aik apne zati istemal ke liye aur aik apne karobari aur daftari mamlaat ke liye.
  12. Idhar 4 sarkari zubanain boli jati hain jin mein cheeni, malay, tamil aur angreezi zuban shamil hai.
  13. Ye mulk asia mein is waqt panchwan sub se kam corrupt mulk hai.
  14. Ye mulk dunya ka woh wahid mulk hai jis ke shehriyon ko Cheen, South Korea aur Amreeca janay ke liye visa ki zaroorat nahin hai.
  15. Agar koi Singapore mein gari se kuttay ko neechay de de aur us ki madad ke liye na rukay tou usay juram samjha jata hai jis ke liye usay jail ki hawa bhi khani parr sakti hai jabkeh agar koi billi ko garri ke nechay de kar bhag jaye tou isay juram nahin samjha jata.
  16. Yahan ki currency singapore dollar hai is waqt 1 Singapore Dollar Pakistan ke taqreeban 75 rupay ke barabar hai.
  17. Somgapore mein janglaat ki bohtaat hai yahan chawal, nariyal aur ananas aham zarai paidawar hai par yahan madniyat ka fuqdan hai lekin sanatain bohat zayada hain.
  18. Singapore ne traffic ki surat haal par nazar rakhne ke liye bari tadad mein sensors aur cameray laga rakhe hain jis ke zariye rash ke doran traffic ko rawan dawan rakha jata hai.
  19. Singapore mein traffic ke masail par qabu panay ke liye gariyon ke maalkaan se bhari tax liya jata hai par 2030 mein is asiyai mulk mein urnay wali taxiyon ko mutarif karwaya jaye ga yun Singapore dunya ke un chand jadeed mulkon mein shamil ho jaye ga jahan urnay wali taxiyan chal rahi hon gi.
  20. Singapore mein kam sharah paidaesh ki wajah se hukumat ko san 2000 mein apni immigration policy mein narmi karna parri thi jis ki wajah se singapore ki abadi mein kafi izafa hua. Ab singapore ki abadi ka 40% ghair mulkiyon par mushtamil hai.
  21. Aaj agar Singapore ka shumar dunya ke khubsurat aur taraqi yafta mumalik mein kiya jata hai tou is ki wajah yahan ke qawaneen par sakhti se amal dar aamad hai jis ki aik misal ye hai keh Singapore ke aik shehri ne apne flat ki khirki se cigeret ke totay bahir phenkay is par Singapore ki mahooliyati agency ki janib se us par 15836 amreecan dollar yani 16 lack pakistani rupon ke qareeb bhari jurmana aaed kiya gaya aur ye jurmana usay sirf 4 din mein ada karna parra. Singapore dunya ke un khubsurat mumalik mein shamil hai jo apni khubsurati aur safai ke hawalay se dunya bhar mein mashoor hain jahan par mamooli sa jurm karne par bhi jurmana aaed kar diya jata hai jub keh sarkon aur galiyon ki safai ko mad e nazar rakhte hue mulk mein chewin gum ke istemal par pabandi aaed hai. Singapore mein jo chewing gum baichtay hue pakra jaye usay 1 lack amreecan dollar jurmana ho sakta hai yani 1 crore pakistani rupay ya 2 saal ki qaid ki saza.
  22. Singapore ko angreezon ke door mein mashriqi asia ki sub se bari aur dunya ki chooti bandargah ka darjah hasil hua. Sadiyon se ye jazeera ghair abad tha. 1819 mein is ilaqe par british east india company ke agenton ne qabza kiya phir dusri jang e azeem mein japaniyon ne is par qabza jamaya. 1946 mein is ko aik alehda bartanwi colony ki hesiyat de di gayi.
  23. Aap ye baat jaan kar hairqan hon ge keh Singapore dunya ka woh wahid mulk hai jisay us ki marzi ke khilaf zabardasti azadi di. Singapore kabhi Muslim mulk Malaysia ka hisa tha aur gir gira raha tha keh isay Malaysia se nikala na jaye lekin Malaysia ke hukmaranon ne isay zabardasti khud se alehda kar ke azad mulk bana diya.
  24. Singapore bartania ke qabzay ke baad 1963 mein Malaysia ki 14 riyasaton mein se aik riyasat ban gaya tha aur sirf 2 saal ke arsay mein singapore ki peoples liberation party ki mazboot sayasi position aur markazi hukmaranon ko is se mehsoos hone wale khatray ne singapore ki malaysia se bay dakhli ki bunyad daal di. Malaisian wafaq ki hukmaran party NMNO ko khadshah tha keh peoples liberation party un ke iqtidar ke liye khatra sabit ho sakti hai jabkeh woh singapore bandargah ke maaeshat par barhtay hue ghalbay se bhi khush na thay lihaza 17 august 1965 ko malaysian wazir e azam ne parliament ko advise di keh singapore ko malaysian wafaq se nikalne ke liye voting ki jaye. 9 august 1965 ko parliament ne sifar ke muqablay mein 126 vote de kar singapore ki qismat ka faisla kar diya.
  25. Aap ye baat jaan kar hairan hon ge keh jub singapore ke naye sarbarah Lee Kuan Yew jub apne watan ki azadi ka ilan kar rahe thay tou un ke chehre par khushi ka naam o nishan tak na tha balkeh ankhon mein aansoo thay. Usi saal nayi aaeni tarmeem ke zariye republi9c of singapore wajood mein ayi aur mehz nisf sadi mein is ki mehnati awam ne is ki taqdeer yun badal di keh ye kisi aur hi dunya ka hisa nazar anay laga.
zvr
Your Reaction

2 Comments

Leave a Comment