Advertise Here
Autobiography

Tamatar Ki Aap Beeti In Urdu Tomato Autobiography In Hindi

tamatar ki aap beeti
Written by Admin

Tamatar Ki Aap Beeti In Urdu Tomato Autobiography In Hindi: Main aik beej tha kisan ne mujhe bare pyar se dukan se khareeda phir mujhe achi jagah par rakha. Aik din mujhe bare pyar se kheet mein lay gaya aur wahan mujhe boya aur meri bohat khidmat ki. Phir main poda ban gaya aur kuch din mein man phool ban gaya. Kisan mujhe pyar se dekhta phir main phool se aik sabz guthli ban gaya aur dekhtay hi dekhte aik lal surkh tamatar ban gaya.

Jub main ne idhar udhar nazrain dorayien tou mujhe bohat se apne behan bhai aur rishtay dar nazar aye tou main khushi se phulay na samaya lekin meri ye khushi arzi thi kyun keh kisan aur us ke ghar wale mujhe aur mere behan bhaiyon ko tornay aur bori mein bharnay ko bay cheen thay. Unhon ne hum sub ko tora aur moti moti boriyon mein band kar diya.

Wahan mera garmi aur ghutan se dil ghabra raha tha itnay mein pata chala keh hamain kisi factory mein lay jaya ja raha hai. Wahan kuch logon ne hamain thanday pani mein daal diya mujhe thanday pani mein rehna acha lagne laga tha. Lekin pani se nikaltay hi mujhe samne bari bari aariyan dikhai dien jin se main dar gaya aur un ariyon ne mujhe kata aur aik garam tanoor mein daal diya wahan mujhe sukha kar powder bana diya gaya.

Ab mere powder ko khubsurat tamator ke soup ke lifafon mein band kar ke aik bare store par pohancha diya ab main intezar mein hon keh koi mujhe khareeday aur soup bana kar piye.

zvr
Your Reaction

Leave a Comment