Biography Personalities Videos

Yuri Gagarin History In Urdu First Man In Space Hindi

.

Yuri Gagarin History In Urdu – Who was the first man in outer space? Assalam u Alaikum kya aap jantay hain keh khala mein janay wala pehla insan kon tha? Agar nahin jantay tou aaj ka article usi insan ke bare mein hai jo jisay khala mein janay wale pehle insan ka aizaz hasil hai. Main baat kar raha hon Yuri Gagarin ki aeye jantay hain Yuri Gagarin kon hai.

Yuri Gagarin 9 march 1934 ko paida hua jo khala mein janay wala pehla insan tha. Yuri Gagarin ka taluq soviet union se tha. Peshay ke aitbar se ye soviet airforce mein pilot tha.

12 april 1961 mein woh khalai jahaz vostok 1 ke zariye khala mein dakhil hua aur zameen ke gird chakar lagaya. Yuri Gagarin ke khala mein janay se soviet union aur amreeca ke darmiyan aik khalai dor shuru ho gayi.

Yuri Gagarin 9 march 1934 ko Russia ke aik gaon Klushino mein paida hua us ka taluq ghareeb khandan se tha. Larakpan mein us ne dusri jang e azeem mein pehla jahaz dekha jo aik rusi laraka tayara tha yehi wajah thi keh woh aik pilot banna chahta tha. Us ne bari mehnat se taleem hasil ki jis ki wajah se woh hawa bazi ke aik school mein dakhla hasil karne mein kamyab hua. Us ke usatzah usay aik qudrati hawa baz samajhtay thay aur unhon ne us ki isi qabliyat ko dekh kar rusi airforce mein dakhil hone ka mashwara diya.

Yuri rusi fauj mein aik ache pilot ke tor par ubhra aur ab woh aik shohar aur baap ban chuka tha. Jub rus ne apna pehla sayara khala mein bheja tou Yuri ne aik khala baz bannay ka faisla kiya. 2 saal ki khufiya tarbiyat ke baad doctors ne Yuri ko khala bazi ke liye chuna kyun keh woh tamam tests mein numayan tor par kamyab tha.

April 1961 mein jub woh 27 saal ka tha tou khala mein rawana hua ye bohat khatarnak kaam tha kyun keh sciencedanon ko Yuri ke zinda laut anay ka yaqeen nahin tha lekin Yuri apne safar se laut aya aur dunya mein mashoor hua.

1967 mein us ne dobara khala mein janay ki tayari shuru kar di chunkeh woh naye laraka tayaron ko azmanay ke kaam par bhi mamoor tha. Lekin aglay saal laraka tayare ki azmaishi parwaz ke doran us ka tayara hadsay ka shikar ho gaya aur us hadsay mein Yuri apni jaan se hath dho baitha us waqt us ki umar sirf 34 saal thi.

Leave a Comment